İtaliya polisinin beynəlxalq narkotik alverçilərinə qarşı keçirdiyi əməliyyatda 4 tondan çox narkotik vasitə - kokain müsadirə edilib.
Lent.az xəbər verir ki, Kalabriya Mafiya ilə Mübarizə Prokurorluğunun tələbi ilə keçirilən əməliyyat Kalabriya ilə yanaşı, Milan, Roma, Neapol, Bari, Terni, Viçenza və Novara şəhərlərini əhatə edib.
Əməliyyat zamanı 36 nəfər saxlanılıb, bazar dəyəri təxminən 800 milyon avro olan 4 tondan çox kokain ələ keçirilib. Saxlanılan şəxslər müxtəlif üsullarla Gioya Tauro limanını narkotik qaçaqmalçılığı üçün logistik baza kimi istifadə etməkdə ittiham olunurlar. 36 nəfərdən 34-ü barəsində həbs qətimkan tədbiri, 2 nəfər barəsində isə ev dustaqlığı qətimkan tədbiri seçilib.
Bundan başqa, ümumi dəyəri 7 milyon avro olan daşınar və daşınmaz əmlaka həbs qoyulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
