"2021-ci ilin martı COVİD "öləcək", amma..." - VANQA

Vanqanın köməkçisi olmuş Sergey Kostornı onun 20121-ci il üçün proqnozlarını açıqlayıb. Lent.az Rusiya mətbuatına istinadla xəbər verir ki, Vanqa 2021-ci il üçün həm xoş, həm də bəd proqnozlar verib.

Xoş olan odur ki, bu il xərçəngin dərmanı tapılacağını deyib. Deyir, həm də bu bütün dünyada rəsmi surətdə elan və tətbiq ediləcək. “Xərçəng dəmir zəncirə salınacaq” - bunu Vanqa belə ifadə edib. Onu da deyib ki, dərmanın tərkibi dəmirlə zəngin olacaq.

Sergey onu da bildirib ki, Vanqa 2021-ci ildə də insanlığın imtahanı davam edəcəyini deyib: “Sunamilər olacaq. Amerikada və bəzi dənizə yaxın ölkələrdə daşqınlar qarşısına çıxan şəhərləri yuyacaq. Bu daşqınlar həm də özü ilə xəstəlik gətirəcək”.

Müharibələr də qaçılmaz olacaq - dediyinə görə: “Latın Amerikası ölkələrində müharibə olacaq, amma qloballaşmayacaq”.

Koronavirus barədə isə Vanqa deyib ki, bu ilin martına qədər xoşagəlməz hallar olacaq. Martın 20-də hər şey bitəcək, virus öz-özünə sönəcək.

Vanqa, həmçinin, 2021-ci ildə iki vacib şəxsin dünyaya gələcəyini proqnoz verib.