Fransada məscid təhqir edildi

Fransanın Montoban şəhərindəki yeganə məscid təhqir edilib. Sübh namazı üçün məscidin qapılarını açan xidmətçi qapının kənarında iki donuz başı aşkar edib. Müqəddəs Ramazan ayında baş verən bu hadisə şəhərdəki müsəlman icmasının ciddi narazılığına səbəb olub.

Məscidin imamı rasizm hərəkətləri ilə müsəlmanların hissiyatına toxunanların tezlikə tapılaraq ədalət məhkəməsi qarşısnda dayanmasını polisdən tələb edib, bunun ilk hadisə olmadığını, 2009-cu ildə Reyms şəhər məscidinin qapılarından donuz ayaqlarının asıldığını xatırladıb.

Şəhərdə yaşayan müsəlman icması ilə indiyədək heç bir problemin olmadığını diqqətə çatdıran mer bu hadisədən təəssüf hissi keçirdiyini və xoşagəlməz hadisənin sakinlər arasında böyük narazılıq doğurduğunu bildirib.

Xatırladaq ki, bu ilin martında bu şəhərdə iki desant qadın əlcəzairli gənc tərəfindən qətlə yetirilib. Yerli qanun keşikçiləri iki hadisə arasında müəyyən əlaqələr olduğunu güman edirlər.

Azərtac