200 milyon dollar alıb boşanacaq
31 iyul 2012 00:03 (UTC +04:00)

200 milyon dollar alıb boşanacaq

Boşanma prosesi əsla xoşagələn məsələ deyildir və bu zaman dağılan ailənin üzvləri, adətən, depressiyada olurlar. Xüsusilə də ərini itirən xanımlar. Lakin britaniyalı maliyyəçi və bankir Rocer Cenkinsin ailəsində boşanan və boşayanın əhvalı əladır.

AzərTAc xarici KİV-lərə istinadən xəbər verir ki, Rocer Cenkins arvadı, Bosniya-Hersoqovinadan olan Diana ilə boşanır. Boşanma təzminatı qismində Diana 200 milyon dollar alacaqdır.

Diana rəfiqələrindən birinə zəng vuraraq sevincək xəbər vermişdir ki, ərinin məşuqəsi var, boşanır.

420 milyon dollarlıq varidata malik Rocer Cenkins Britaniyanın ən varlı 500 iş adamından biridir. O, pullarını “Barclays Bank”ın vergilər departamentinin rəhbəri işləyərkən qazanmışdır.

Cenkins supermodel Elle Makfersonla tanış olandan sonra arvadını boşamaq qərarına gəlmişdir.

10 il əvvəl evlənmiş Robert və Diananın iki övladları var. Onlar dünyanın müxtəlif yerlərindəki əmlakı bölüşdürməklə məşğuldurlar.

37 yaşlı Diana iki övladı ilə birlikdə Santa-Monika Hillsdəki malikanədə yaşayır. Rocer Cenkinsin yeni villası da yaxınlıqdadır.

Bosniya-Hersoqovinanın paytaxtı Sarayevoda doğulmuş Diana Britaniyaya mühacirət edəndə çox yoxsul gənc qız idi. Lakin o, universitetə daxil olmuş, oxumuş və sonra da Rocerlə evlənmişdir.

Azərtac
# 419

Oxşar yazılar