Çeçenistan parlamentinə hücum edən terrorçular öldürülüb
19 oktyabr 2010 12:19 (UTC +04:00)

Çeçenistan parlamentinə hücum edən terrorçular öldürülüb

Lent.az-ın “İnterfaks” agentliyinə istinadən verdiyi məlumata görə, bu barədə güc strukturlarındakı mənbə bildirib.

İlkin məlumata görə, terrorçuların hamısı zərərsizləşdirilib. Terror aktı nəticəsində ölənlərin dəqiq sayı isə bilinmir. Bəzi məlumatlarda terrorçuların 4 nəfəri, digər məlumatlarda isə 3 nəfəri qətlə yetirdikləri vurğulanır.

“İnterfaks” agentliyi isə əməliyyatın başa çatmadığını, amma başa çatmaq ərəfəsində olduğunu xəbər verir. Binada ən azı 1 nəfər sağ terrorçunun qaldığı istisna edilmir. Terrorçuların ələ keçirdikləri girovların sayı və onların taleyi barədə heç bir məlumat yoxdur.

Xatırladaq ki, parlamentin ərazisində terror aktı bu gün səhər həyata keçirilib. Maşınla parlamentin binasına girən terrorçulardan biri üzərinə bağladığı şəhid kəmərini işə salaraq özünü partladıb. Digər terrorçular binaya girərək insanları girov götürüblər. Atışma parlamentin spikeri Dukuvaha Abdurrahmanovun kabinetinin yaxınlığında olub. Spiker sağ qalıb və dərhal mühafizəçiləri tərəfindən hadisə yerindən uzaqlaşdırılıb.

Hadisə yeri xüsusi təyinatlı qüvvələr tərəfindən mühasirəyə alınıb. Çeçenistan lideri Ramzan Kadırov da şəxsən parlament binasının yanına gedib.
# 625

Oxşar yazılar