Əylənmək üçün öldürüb, bədənini hissələrə ayırdılar...

ABŞ-ın Əfqanıstandakı 2-ci artilleriya diviziyasının 5-ci batareyasındakı əsgərlərin əylənmək üçün atəş açaraq mülki şəxsləri öldürdükləri ortaya çıxıb.

Lent.az-ın “Vaşinqton Post” qəzetinə istinadən verdiyi məlumata görə, ilk dəfə əsgərlər yanvarın 15-də Qəndəharda Muhammed Kalay adlı bir əfqanı öldürüblər.

Bundan sonra mülki şəxslərin öldürülməsi halı kütləviləşib. Əsgərlər hətta öldürdükləri insanların bədənlərini müxtəlif hissələrə parçalayırlarmış. Amerikalı hərbçilərdən birinin atası oğlunun əməllərindən danışmasından sonra ordu rəhbərliyini məsələdən xəbərdar etməyə çalışıb, ancaq ona qulaq asan olmayıb.

“Vaşinqton Post” qəzetinin yazdığına görə, Hərbi Məhkəmə bu ilin yayında apardığı araşdırmadan sonra 10 əsgərin narkotik vasitə və spirtli içkidən istifadə etdiyini, onların əylənmək üçün mülki şəxsləri öldürdüyünü ortaya çıxarıb.