İnternet Dmitri Medvedevi televizordan uzaqlaşdırıb

Rusiya Federasiyasının prezidenti Dmitri Medvedev internetin dövlət tərəfindən idarə olunması ideyasından imtina edib. Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, bu cür bəyanatla Dmitri Medvedev Yaroslavlda keçirilən Dünya Siyasi Forumunda çıxış edib.

Onun sözlərinə görə, hazırda Rusiya hökuməti şəbəkə ilə məşğul olmur, internet öz qanunları ilə yaşayır. Dmitri Medvedev internet və elektron KİV-lərin ölkə vətəndaşların həyatlarında getdikcə daha böyük rol oynadığını, özünün televizora gec-gec baxdığını da vurğulayıb. Rusiya prezidenti bildirib ki, dövlət başçısının rəsmi saytı Rusiya vətəndaşlarının hakimiyyətə müraciət etmək üçün istifadə edə biləcəyi bir alətə çevrilib və vətəndaşların sayta yönəltdikləri bütün müraciətlər aidiyyəti strukturlara göndərilir.