Türkiyə kəşfiyyatının yeni rəhbəri bilindi

Hakan Fidan ölkənin əsas kəşfiyyat qurumunun başına keçdi

Türkiyənin əsas kəşfiyyat qurumunun – Milli İstihbarat Təşkilatının yeni rəhbəri müəyyənləşdi.

Lent.az trt.net.tr saytının Azərbaycan versiyasına istinadən məlumatına görə, təqaüdə çıxan Əmrə Tanerin yerinə bir müddət öncə onun müavini olan Hakan Fidan təyin edilib.

4 il Baş Nazirliyə bağlı Türk Əməkdaşlıq və İnkişaf İdarəsinə (TİKA) rəhbərlik edən Hakan Fidan 2,5 il də baş nazirlik aparatı rəhbərinin müavini olub, keçən ay isə MİT rəhbərinin müavini təyin edilib.

Hakan Fidanın təyinatını baş nazir Rəcəb Tayyib Ərdoğan Braziliyaya gedərkən təyyarədə dəyərləndirib.

Ərdoğan MİT-in prezident, baş nazir və ordunun ən önəmli mənbələrindən biri olduğunu vurğulayıb.

MİT-in ilk vəzifəsinin xarici kəşfiyyat olduğunu qeyd edən Ərdoğan yeni rəhbərin bu istiqamətdə lazım gələn adımları atacağını bildirib.

Ərdoğan MİT-də maddi baxımdan hər hansı problem olmadığını vurğulayıb.