Berluskoni Qəzzafinin əlini öpdü
30 mart 2010 15:15 (UTC +04:00)

Berluskoni Qəzzafinin əlini öpdü

İtaliya baş nazirinin gözlənilməz hərəkəti ölkədə böyük səs-küyə səbəb olub


Keçən həftə Liviyanın Sirte şəhərində keçirilən Ərəb Birliyinin zirvəsində İtaliyanın baş naziri Silvio Berluskoni Liviya lideri Müəmmər Qəzzafinin əlini öpüb.


Lent.az-ın verdiyi məlumata görə, bu görüntü İranda ingiliscə yayılan “Press TV” telekanalında yayımlanıb.


Ancaq telekanal görüntüləri tam dəqiq vermir. Bu, ölkəsində arvadbazlığı ilə gündəmdən düşməyən Silvio Berluskoni üçün daha ciddi problem yaradıb və baş nazirin Müəmmər Qəddafinin əlini öpməsi ölkə gündəminə bomba kimi düşüb. Baş nazirin bu hərəkəti italyanları və ölkədəki müxalifət partiyalarını narazı salıb.


Qeyd edək ki, Liviya 20-ci əsrin əvvəlində 30 il İtaliyanın müstəmləkəsi olub. Bu səbəbdən iki ölkə arasında xüsusi münasibətlər var. Bu münasibətlər Silvio Berluskoninin səyləri ilə son illər daha da inkişaf edib. Baş nazir 2008-ci ildə 30 illik müstəmləkə dövrünə görə Liviyadan da üzr istəyib, növbəti 20 il ərzində İtaliyanın Liviyaya 5 milyard dollar sərmayə qoyacağını vəd edib.
# 174

Oxşar yazılar