Türk deputatdan ermənilərə dəstək

İsveç parlamentinin türk deputatı “soyqırım” qanununun qəbuluna mane olmayıb

İsveç parlamentinin erməni və assuriyalıların 1915-ci ildə Osmanlı imperiyası zamanında “soyqırımı”nın tanınması haqqında qətnamə qəbul etməsində bu ölkə vətəndaşı olan türkün böyük rolu olub. Lent.az-ın Türkiyə mətbuatına istinadən verdiyi məlumata görə, İsveç parlamentinin üzvü Mehmet Kaplan həmin qətnamənin qəbulu zamanı səsvermədə iştirak etməyib. Nəticədə 130 lehinə və 131 əleyhinə olmaqla qətnamə qəbul olunub. Əgər o səsverməyə qatılsaydı, əleyhinə və lehinə olan səslərin sayı bərabər olacaqdı.

O, Türkiyənin NTV telekanalına açıqlama verərək qətnamənin qəbul olunmasından çox üzgün olduğunu deyib. M.Kaplan telekanala uzun-uzadı danışsa da, səsverməyə nə üçün qatılmadığına aydınlıq gətirməyib.

Qeyd edək ki, qətnamə dünən qəbul olunub. Buna etiraz olaraq Türkiyə İsveçdəki səfirini geri çağırıb.