Neft yeyənlər tapıldı!

Meksika körfəzindəki neft platformasında baş verən qəzadan sonra körfəzə yayılan neft təbəqəsini araşdıran alimlər sensasion olayla qarşılaşıblar. Lent.az-ın “CNN”ə istinadən verdiyi məlumata görə, alimlər bu vaxta qədər kəşf olunmamış bir mikrob növünün Manhetten böyüklüyündəki bir sahədə nefti sürətlə “yediyini” aşkarlayıblar.

F,I-sy Ladrence Berkeley Milli Laboratoriyasında Kerry Hazenin rəhbərliyi altında çalışan araşdırmaçılar mikrobun hidrokarbonları parçaladığını, sudakı oksigendən digər neft yeyən bakteriyalar kimi istifadə etmədiyinin şahidi olublar.

Yeni mikrobun “Oceanospirillales” qrupuna yaxın bir növ olduğu müəyyənləşdirilib. Alimlər bu mikrob növünün “neft yemə fəaliyyətləri”nin sudakı oksigeni böyük ölçüdə azaldacağını və dənizdəki digər canlıların həyatı üçün təhlükə yaradacağını, beləliklə də dənizləri ölü bölgəyə çevirəcəyindən ehtiyatlanırlar. Hazırda Meksika körfəzində neftlə çirklənən suda oksigenin miqdarı 59 faiz, neftlə çirklənməyən sularda isə 67 faiz olduğu üzə çıxıb.