11 və 12 yaşlı qızları dəyişdirərək ərə vermək istədilər
02 mart 2010 12:00 (UTC +04:00)

11 və 12 yaşlı qızları dəyişdirərək ərə vermək istədilər

Türkiyənin Muş bölgəsində iyrənc hadisə baş verib.

Lent.az-ın internethaber.com saytına istinadən verdiyi məlumata görə, polisə Muşun Bulanık rayonunun Elmakaya kəndində 11 və 12 yaşlı qızların evləndiriləcəyi ilə bağlı xəbər daxil olub və polis araşdırmaya başlayıb.

Məlum olub ki, bu qız uşaqları dəyiş-düyüş ediləcəkmiş. Başqa sözlə, Elmakaya kənd sakini olan 41 yaşlı N.A. 11 yaşlı qızı M.A.-nı rayonun Kırkgöze kənd sakini, 27 yaşlı M.G. ilə evləndirmək istəyib. Bunun qarşılığında M.G.-nin 12 yaşlı bacısı R.G.-ni özünə arvad etmək istəyib.

Tərəflər razılığa gəlib və toy ediblər. Ancaq polis onların bu sevdasını pozub. N.A., B.A., M.G. və ana F.G.-nin ifadələri alınaraq azadlığa buraxılıblar. M.A. və R.G. isə Muşdakı uşaq evinə veriliblər.
# 383

Oxşar yazılar