Keçmiş qubernatordan Obamaya məsləhəti

Respublikaçılar Partiyasının hakimiyyəti illərində Ağ Ev rəsmiləri çıxışlarında atom-nüvə proqramından əl çəkməyəcəyi halda İrana qarşı hərbi əməliyyatların gündəlikdə olduğunu bəyan edirdilər.

Ötən gün Alyaska ştatının keçmiş qubernatoru, prezident müavinliyinə keçmiş namizəd Sara Peylin ABŞ prezidenti Barak Obamaya məsləhət görüb ki, İslam Respublikasına qarşı savaş elan etsin. “Los-Anceles tayms”ın yazdığına görə, Peylin bildirib ki, yalnız bu yolla prezident Amerikada mövqeyini möhkəmləndirər, eləcə də seçicilərin dəstəyini qazana bilər.

O, bu bəyanatı “Fox news Sunday” telekanalına verib. Keçmiş qubernator hazırda bu kanalda analitik-şərhçi kimi çalışır.

O, Obamaya ərəb-İsrail münaqişəsində ikinciyə tam dəstək verməkdən imtina etməyi də məsləhət görüb. Onun sözlərinə görə, güc tətbiqi siyasəti Ağ evin indiki yiyəsinə növbəti seçkiyə qədər hakimiyyətdə qalmağa yardım edər. O, əlavə edib ki, ətrafı ABŞ prezidentinə “yaxşı məsləhət vermir”.

Sara Peylin 2012-ci ilin prezident seçkisində Obamaya rəqib olacağını istisna etməyib.