İslamçı qəzetlərə qadağa qoyuldu

Lent.az-ın «rbk»-ya istinadən məlumatına görə, rəsmi Kabul Pakistanda çap olunmuş islamyönlü bütün qəzetlərin Əfqansıtanda satışını yasaqlayıb.

Bu haqda ölkənin Daxili İşlər Nazirliyinin yaydığı bəyanat əsasən, bu qərar sentyabrın 26-dan etibarən qüvvəyə minəcək: «Pakistanda çap olunmuş qəzetlərdən talban və başqa qiyamçı qüvvələr hökumətə qarşı istifadə edir».

Əfqansıtan hakimiyyəti hesab edir ki, qonşu dövlətin KİV-i «söz azadlığından qərəzli şəkildə yararlanaraq», əfqanların düşüncə qabliyyətini kökündən dəyişmək istəyir.

Pakistanda çap olunan qəzetlər Əfqanıstanda daha çox oxunur. Puştu dilində çıxan KİV-in oxucuları əsasən hər iki dövlətin sərhədyanı bölgələrində yaşayanlardır. Pakistanın Peşəvar şəhərində çıxan, islamçıların sözünü yayan «Vəhdət» qəzeti Əfqanıstanda məşhurdur.