ABŞ mücahidələri mükafatlandırdı

Lent.az-ın «eoronews»-a istinadən məlumatına görə, Vaşinqton Tehran hakimiyyətinə müxalif olan bu qurumu terrorçu təşkilatlar siyahısından çıxarıb.

Bununla ABŞ quruma qarşı tətbiq etdiyi 15 illik sanksiya ləğv edib.
Avropa Birliyi isə 3 il öncə mücahidlərə qoyduğu yasaqları aradan qaldırmışdı.

Xatırladaq ki,ötən gün təşkilatın yerləşdiyi «Əşrəf» adlı düşərgəni sonuncu mücahid qrupu tərk edib. Məsələ ilə bağlı İraqın daxili işlər naziri vəzifəsini icra edən Ədnan əl-Əssədi açıqlama vermişdi. Onun sözlərinə görə, bu tədbir ölkəsi üçün istisnasız bir hadisədir.

«Əşrəfdən 3 minə yaxın insan çıxarılıb. Onlar Bağdada göndərilib. Yaxın zamanda isə İraq ərazisini tərk edəcəklər.Bu qərar ölkənin baş naziri Malik Nuri tərəfindən qəbul olunub» - deyə, nazir əvəzi söyləmişdi.

30 ildən artıq bir müddətdir ki, Tehran hakimiyyətinə müxalif olan İran Xalq Mücahidləri Təşkilatı İraqda yerləşdirdi.

Qurumun mənəvi lideri Məsud Rəcəvi, siyasi rəhbəri isə Məryəm Rəcəvidir.
Sədrəddin Soltan