Ukraynada tank qəbiristanlığı - FOTO

Ukrayna dünyada döyüş tanklarının satışına görə ön yerdə dayanan ölkələrdəndir. Lent.az-ın məlumatına görə, Ukraynanın tank satdığı ölkələr arasında əsas yeri Afrika və bəzi Cənubi Amerika ölkələri tutur. Son 10 ildə Cənubi Qafqaz regionundan Azərbaycan və Gürcüstanın tank alımlarında Ukraynanın xüsusi yer tutması diqqət çəkir. Belə ki, BMT Adi Silahlar Registrində yer alan məlumatlara görə, 2001-2011-ci illərdə Azərbaycan Ukraynadan 48 ədəd, Gürcüstan isə 91 ədəd T-72 tankı satın alıb.

Əslində keçmiş Sovet modeli olan tankların satışını həyata keçirən Kiyev son illərdə keçmiş Sovet modellərinin bazasında «Oplot» və «Bulat» kimi tankları hazırlayıb dünya bazarlarına çıxarmağa başlayıb.

Ukraynada tank istehsalı və təmiri ilə əsasən Xarkovdakı Zirehli Tankların Təmiri Zavodu məşğul olur. Keçmiş SSRİ-nin bu sahədə ixtisaslaşmış ən böyük müəssisələrindən olan bu zavodun həyətində ötən əsrin 70-ci illərində təmir üçün yola salınmış tanklar qalmaqdadır. Hazırda Ukrayna da imkanlar daxilində məhz həmin tankları təkmilləşdirərək ixrac edir.

Xarkov Zirehli Tankların Təmiri Zavodu bu gün Ukraynada «tank qəbiristanlığı» kimi də tanınır. Bu qəbiristanlıqda SSRİ-nin müəssisələrində istehsal edilmiş istənilən model tanka rast gəlmək mümkündür.

Rəşad