Fransa jurnalı karikaturanı təkrar dərc edəcək
20 sentyabr 2012 03:10 (UTC +04:00)

Fransa jurnalı karikaturanı təkrar dərc edəcək

Lent.az-ın «Röyter»-ə istinadən verdiyi məlumata görə, bunu dərginin redaktoru Stefan Şarbnye bildirib. Onun sözlərinə görə, jurnalın 74 min nüsxəlik sayı dərhal satılıb.

Mənbənin məlumatına görə, əlavə nəşr 175 min nüsxə olacaq. Yeni tiraj sentyabrın 21-də satışa çıxacaq. Jurnalın qiyməti 2,5 avrodur.

Fransa köşklərindən birinin sahibi İTAR-TASS-a bildirib ki, çoxları jurnalı maraqdan alıb. Ancaq onu məhv etmək üçün satın alanlar da olub.

Ötən gün ərzində jurnalın saytı fasilələrlə işləyib. «Charlie Hebdo»-nun bloqunda sayta kiberhücumlarla bağlı məlumat yerləşdirilib.

«Charlie Hebdo»-nun baş redaktoru bəyan edib ki, redaksiyanın məqsədi inanclı adamların hisslərini təhqir etmək deyildi. Stefan Şarbnyenin sözlərinə görə, jurnalistlər bu yolla fundamentalizmə qarşı çıxış ediblər. O, bildirib ki, Quran ayələri ilə yox, Fransa qanunları ilə yaşayır.
# 1059

Oxşar yazılar