İngiltərədə inanılmaz gerçəklik...

İngiltərədə yüzlərlə məktəbin tualetində və paltardəyişmə otaqlarında təhlükəsizlik kamerası yerləşdirilirmiş. Lent.az-ın BBC-yə istinadən verdiyi məlumata görə, Şiffelddəki King Ecgbert Liseyində 12 müxtəlif tualetdə təhlükəsizlik kamerasının olduğunun üzə çıxması ilə ölkə miqyasında bu sahədə həyata keçirilən qalmaqallı işin üstü açılıb.
Ölkədə təhlükəsizlik kameraları ilə şagirdlərin bütün vəziyyətlərdə müşahidə edilərək nəzarətdə saxlanılmasına şərait yaradan 200-dən çox məktəb var. Bu məktəblərdə 100 min ədədə qədər təhlükəsizlik kamerası quraşdırıldığı ehtimal edilir. Şəxsi həyatın qorunmasını müdafiə edən “Big Brother Watch” adlı qrup dövlət rəsmilərini dərhal bu hala son qoyulması üçün addım atmağa çağırıb.
11-18 yaşlı qız və oğlanların təhsil aldığı King Ecgbert Liseyi isə artıq məsələyə reaksiya verib və təhlükəsizlik kameralarının şagirdlərin təhlükəsizliyinin qorunmasında vacib rol oynadığını bəyan edib.