“Qurd adam” –

İspaniyanın Galiçya bölgəsində yaşayan Marcos Rodrigez Pantoja hər kəsi şoka salır.

Lent.az-ın “Hürriyet” qəzetinə istinadən verdiyi məlumata görə, hazırda 66 yaşı olan Pantoja 7 yaşından 19 yaşına qədər İspaniyadakı Sierra Morena dağlarında qurdlarla birlikdə yaşayıb. İspaniya polisi tərəfindən 1965-ci ildə tapılan Pantoja çox çətinliklə insan kimi danışmağı, cəmiyyətdə yaşamağı öyrənib. Başına gələnləri danışan “qurd adam” deyir ki, 7 yaşında olarkən bir qurd balası görüb və onunla oynamağa başlayıb. Sonra da həmin qurd balası ilə mağaraya gedib, elə mağarada da yatıb: “Gözlərimi açanda bir dişi qurd gördüm. Gözlərini üzümə dikdi, yanıma gəlib məni yalamağa başladı. Artıq qurd ailəsinin bir parçası idim”.

Qeyd edək ki, Pantojanın həyatı “Qurd qardaşlar” adlı bir bədii filmin də mövzusu olub.