Mübarəkdən sonra Misiri idarə edən marşal məhkəməyə çıxarıla bilər

Misir baş prokuroru Əbdül Məcid Mahmud Hərbi Prokurorluğa sabiq müdafiə naziri marşal Hüseyn Tantavi və onun müavini general Sami Ananla bağlı 30 şikayət təqdim edib. Lent.az-ın “Əl-Ərəbiyə” telekanalına istinadən verdiyi məlumata görə, şikayətlər Misirdə keçən il baş verən inqilab zamanı aksiyaçılara təzyiqlərlə bağlıdır.

General Sami Anan həm də tikinti üçün Qahirə yaxınlığında qanunsuz torpaq sahəsi əldə etməkdə günahlandırılır. Əgər Hərbi Prokurorluq şikayətləri əsaslı saysa, Hüsnü Mübarəkin devrilməsindən sonra Məhəmməd Mursinin prezident seçilməsinə qədər ölkəni idarə edən Ali Hərbi Şuranın üzvü olmuş bu şəxslərə qarşı məhkəmə prosesi başlaya bilər.

Qeyd edək ki, Məhəmməd Mursi az əvvəl, avqustun 12-də müdafiə naziri və Ali Hərbi Şuranın sədri Hüseyn Tantavi, o cümlədən bir sıra hərbi vəzifəli şəxsləri istefaya göndərib.