Əfqanıstan 8 yerə bölünür...

Koalisiya qüvvələrinin 2014-cü ildə Əfqanıstanı tərk edəcək. Lent.a-ın “İndependet” qəzetinə istinadən verdiyi məlumata görə, Vaşinqton və Londonun Əfqanıstanla bağlı müzakirə etdiyi planlar arasında ölkənin 8 yerə bölünməsini əks etdirən “C planı” da var.

Bu bölünmə zamanı Əfqanıstanın iqtisadi mərkəzləri əsas götürüləcək və ölkə Kabil, Qəndəhar, Herat, Məzar-i Şərif, Qunduz, Cəlilabad, Host və Bamyanın mərkəz olacağı regionlara bölünəcək. Bu bölgələr bir və ya bir neçə xarici ölkənin nəzarətində qurulacaq və etnik qrupların təmsil olunacağı şuralar tərəfindən idarə ediləcək. Plana əsasən, hazırkı Əfqanıstan prezidenti Həmid Kərzainin rolu simvolik olacaq.

“İnderpendet” qəzetinə açıqlama verən İngiltərə Xarici İşlər Nazirliyinin rəsmilərindən Ellvood deyib ki, Əfqanıstanın müdafiəsini onun özünün öhdəsinə qoymaq ölkənin gələcəyi üçün təhlükəlidir. Onun sözlərinə görə, güclü baş nazirin rəhbərlik etdiyi yerli hökumət 2014-cü ildən sonra ölkədəki zəif mərkəzi hökumətin, tayfa narazılıqlarının və rüşvətxorluğun səbəb olacağı çətin vəziyyətin öhdəsindən gələ bilər. Ellvood bildirib ki, “Taliban” Hərəkatının da yer alacaq bir siyasi sistem Əfqanıstanın gələcək perspektivinə qarantiya verəcək.

Ancaq bu plana qarşı çıxanlar da az deyil. Əfqanıstan Araşdırma Mərkəzinin təmsilçisi Tomas Rutting deyib ki, Əfqanıstanın bu şəkildə bölünməsi müxtəlif qruplar arasında qarşıdurmalara rəvac verilməsi deməkdir: “1992-1996-cı illərdə bu qrupların pis idarəetməsi “Taliban” Hərəkatının yüksəlişinə yol açmışdı...”