Fişənglər 40 nəfərin ölümünə səbəb oldu

Hindistanın cənubunda fişəng fabrikində güclü yanğın baş verib. Lent.az-ın Türkiyənin “Sabah” qəzetinə istinadən verdiyi məlumata görə, hadisə nəticəsində 40 nəfər ölüb.

Ölkənin Tamil Nadu əyalətində baş verən hadisə 35 nəfərin də yaralanmasına səbəb olub.

Qeyd edək ki, həmin bölgədə bir neçə fişəng fabrikləri var. Hindistanda toylarda və dini festivallarda fişənglərdən istifadə edilir.