Rus qadından qanlı aksiya: Şeyx öldürüldü –

Dünən axşam saatlarında Dağıstanın nüfuzlu din adamlarından biri, sufi şeyxi Səid Əfəndi Atsayev öldürülüb. Lent.az-ın İTAR-TASS agentliyinə istinadən verdiyi məlumata görə, üzərində partlayıcı qurğu olan bir qadın Səid Əfəndinin Dağıstanın Buynaksk rayonunun Çirkey kəndindəki evinə gəlib və üzərindəki partlayıcı qurğunu işə salıb.

Nəticədə Səid Əfəndi ilə birlikdə 8 nəfər ölüb. Ölənlər arasında şeyxin 12 yaşlı nəvəsi də var.

Şeyxin ölümü ilə əlaqədar Dağıstanda matəm elan olunub. Bu gün Dağıstanda dövlət bayraqları endirilib, əyləncəli tədbirlər və teleradio verilişləri ləğv olunub. Dağıstan hökumətinin rəhbəri Maqomedsalam Maqomedov ölənlərin və zərərçəkənlərin ailələrinə lazımi yardım göstərilməsini tapşırıb.

Səid Əfəndi bu gün Çirkey kənd qəbiristanlığında dəfn olunacaq. Şeyxin dəfnində 100 mindən çox insanın iştirak edib.

Bu arada terroru törədən qadınını da kimliyinə aydınlıq gəlib. Kamikadze qadını partlayış nəticəsində qopmuş başından tanıyıblar. Bu, rus millətindən olan, amma vəhhabi yaraqlıya ərə gedərək adını dəyişmiş Aminat Saprıkinadır. Aminat Saprıkina may ayında Mahaçqalada törədilmiş dəhşətli terror hadisəsinin də təşkilatçısı idi. Və o vaxtdan axtarışda olub.