Rinanın və Yotamın hekayəsi texnologiyanın ailə münasibətlərinə necə təsir edə biləcəyinin canlı nümunəsinə çevrilib.
Lent.az xarici mediaya istinadla xəbər verir ki, cütlük yeddi il evli olub, iki övlad böyüdüb və sabit ailə həyatı sürüb. Lakin Yotam süni intellektlə, xüsusilə də ChatGPT ilə ünsiyyətə o qədər həvəs göstərib ki, bu, əvvəlcə maraqlı bir məşğuliyyət kimi görünsə də, zamanla asılılığa çevrilib.
Rina bildirib ki, həyat yoldaşı ailə məsələlərini onunla yox, ChatGPT ilə müzakirə etməyə üstünlük verirdi. Hətta süni intellektə ad qoymuşdu və uşaq xəstələnəndə ondan məsləhət alır, ailəvi mübahisələrdə düzgün sözləri seçmək üçün Aİ-dən istifadə edirdi.
Rinanın sözlərinə görə, Yotam getdikcə ailədən uzaqlaşır, canlı ünsiyyətin yerini telefon və süni intellekt tuturdu. Rina bir neçə dəfə münasibətlərini müzakirə etmək istəsə də, Yotam yenə də ChatGPT-dən aldığı məsləhətləri əsas gətirirdi.
Nəticədə Rina boşanma qərarı verib. İndi baş verənlərə yumorla yanaşır və deyir: “Bəzən elə gəlir ki, mən texnologiya tərəfindən boşanmışam. ChatGPT faydalı alətdir, amma insanı əvəz edə bilməz. Süni intellektlə ünsiyyət ölçülü olmalıdır, yoxsa yaxınlarını itirmək olar”.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
