Musa Şaban oğlu Şəkiliyev Qax Rayon İcra Hakimiyyətinin başçısı vəzifəsindən azad edilib. Prezident İlham Əliyev bununla bağlı Sərəncam imzalayıb.
Lent.az “Bioqrafiya” rubrikasında Musa Şəkiliyev haqqında məlumat verir.
- Musa Şəkiliyev kimdir?
Musa Şəkiliyev uzun illər Azərbaycan meşə təsərrüfatı və ekologiya sahəsində çalışmış mühəndis, idarəçi və dövlət qulluqçusudur. O, həmçinin Qax Rayon İcra Hakimiyyətinin sabiq başçısıdır.
- Musa Şəkiliyev nə zaman və harada anadan olub?
Musa Şəkiliyev 23 sentyabr 1959-cu ildə Azərbaycanın Qax rayonunda anadan olub.
- Musa Şəkiliyev harada təhsil alıb?
O, 1976-cı ildə Qax şəhər 1 saylı orta məktəbini bitirib və daha sonra Rostov vilayətinin Novoçerkassk şəhərində yerləşən Novoçerkassk Mühəndis-Meliorasiya İnstitutuna daxil olub. 1981-ci ildə həmin institutu “meşə təsərrüfatı mühəndisi” ixtisası üzrə bitirib.
- Musa Şəkiliyev əmək fəaliyyətinə harada başlayıb?
O, əmək fəaliyyətinə 1981-ci ildə Qax Meşə Təsərrüfatı İdarəsində meşə ustası kimi başlayıb.
- Musa Şəkiliyev hansı vəzifələrdə çalışıb?
Musa Şəkiliyev 1981–1986-cı illərdə Qax Meşə Təsərrüfatı İdarəsində meşə ustası və meşəbəyi, 1986–1987-ci illərdə Qax Rayon Xalq Deputatları Soveti İcraiyyə Komitəsində Mülki Müdafiə Qərargahının rəisi, 1987–1989-cu illərdə İlisu Dövlət Qoruğunun direktoru, 1989–2002-ci illərdə Qax Meşə Təsərrüfatının direktoru olub.
2002–2010-cu illərdə isə o, Ekologiya və Təbii Sərvətlər Nazirliyinin Meşələrin Mühafizəsi və Bərpası İdarəsində rəis əvəzi, daha sonra Meşələrin İnkişafı Departamentində direktor müavini vəzifəsində çalışıb.
- Musa Şəkiliyev nə zaman icra başçısı təyin olunub?
Azərbaycan Respublikası Prezidentinin 12 aprel 2010-cu il tarixli 850 saylı sərəncamı ilə Musa Şəkiliyev Qax Rayon İcra Hakimiyyətinin başçısı vəzifəsinə təyin olunub.
- Musa Şəkiliyev nə zaman və hansı səbəbdən vəzifədən azad edilib?
O, 20 iyun 2025-ci ildə Dövlət Təhlükəsizliyi Xidmətinin keçirdiyi əməliyyat çərçivəsində saxlanılmış və Azərbaycan Respublikası Prezidentinin 21 iyun 2025-ci il tarixli sərəncamı ilə vəzifəsindən azad edilib.
- Musa Şəkiliyev hansı partiyanın üzvüdür?
Musa Şəkiliyev Yeni Azərbaycan Partiyasının üzvüdür.
- Musa Şəkiliyevin ailəsi haqqında nə məlumdur?
Musa Şəkiliyev ailəlidir və 3 övladı var.
- Musa Şəkiliyev haqqında mətbuatda nələr danışılır?
O, rüşvət almaqda, mənimsəmədə və vəzifə səlahiyyətlərini aşmaqda ittiham olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
