İspaniya “Real”ının baş məşqçisi Zinəddin Zidan son oyunlardakı uğursuzluqlardan sonra gündəmə gələn istefası barədə fikirlərə münasibət bildirib.
Apasport.az saytının məlumatına görə, Çempionlar Liqasında qrup mərhələsinin V turunda “Şaxtyor”a 0:2 hesabı ilə uduzan madridlilərin çalışdırıcısı işinə davam edəcəyini açıqlayıb.
O, oyunsonrası mətbuat konfransında uğursuzluqlara şərh verib: “İstefa barədə düşünmürəm. Ağır dövrlər yaşayırıq. Nəticələr baxımından pis zaman kəsiyidir. Bu, reallıqdır. Amma irəli getməli, yolumuza davam etməliyik. Başımızı dik tutmalı və növbəti matç barədə düşünməliyik. Başqa seçimimiz yoxdur”.