666
10:15
17 Sentyabr 2020

BŞİH: Yeni zibil konteyneri meydançaları yaradılacaq

Ötən gün elektron informasiya vasitələrinin birində Yasamal rayonu, 7-ci Sallaqxana kuçəsində yaşayan sakinlərin zibil konteynerlərinin çatışmazlığından şikayət etdikləri ilə bağlı məlumat yayılıb.

Bu barədə Bakı Şəhər İcra Hakimiyyətindən Lent.az -a bildirilib ki, məsələ ilə əlaqədar Bakı Şəhər Mənzil Kommunal Təsərrüfatı Departamenti əməkdaşları tərəfindən dərhal əraziyə baxış keçirilib, konteynerlərdəki tullantıların daşınması təmin edilib.

Qeyd edilib ki, ötən ildən Bakı şəhərinin Nərimanov rayonunda Böyük Britaniyanın Mott MacDonald şirkəti ilə birgə hazırlanmış yeni pilot layihənin - bərk məişət tullantılarının yığılması, daşınması və çeşidlənməsinin ən müasir səviyyədə təşkil edilməsi layihəsinin icrası uğurla həyata keçirilir. Layihəyə əsasən ilin sonuna kimi paytaxtın daha 3, o cümlədən Yasamal rayonu da bu layihəyə qoşulacaqdır. Bununla əlaqədar rayonda yeni konteyner meydançaları yaradılır, buradakı konteynerlər isə hissə-hissə qapağı olan yeni iri tutumlu konteynerlərlə əvəz edilirlər.

Hazırda həmin ərazi kommunal xidmətlər tərəfindən nəzarətə götürülüb.

Dİgər xəbərlər