01:12
25 İyul 2020

117 nəfər azərbaycanlı AZAL-ın reysi ilə Almatadan Vətənə qayıdıb - FOTO


Azərbaycanın milli aviadaşıyıcısı həmvətənlərin ölkəmizə qayıtması üçün çarter reyslərini yerinə yetirməyə davam edir.

AZAL-dan APA -ya verilən məlumata görə, iyulun 24-də çarter reysi ilə 117 Azərbaycan vətəndaşı Almatadan Vətənə gəlib.

Həmin reysə yalnız COVID-19 testinin neqativ nəticəsi barədə arayış təqdim edən sərnişinlər buraxılmışdır. Ölkəyə gəldikdən sonra bütün sərnişinlər iki həftə müddətində özünütəcrid şəraitində olmalıdırlar.

Xatırladaq ki, çarter reysləri Azərbaycan Respublikasının Nazirlər Kabineti yanında Operativ Qərargahın əvvəlcədən razılaşdırılmış planı əsasında həyata keçirilir.

Dİgər xəbərlər