Həyat yoldaşını bıçaqlayan şəxs tutuldu - YENİLƏNİB

Tovuzda qadını bıçaqlayan şəxs tutulub.

Daxili İşlər Nazirliyinin mətbuat xidmətinin Gəncə regional qrupundan APA -nın yerli bürosuna verilən məlumata görə, hadisəni törədən şəxs 1990-cu il təvəllüdlü Hümbətov Musa Aydın oğludur.

Məlumata görə, hadisə ailə münaqişəsi zəmnində baş verib.

M.Hümbətov Aytəkin Mehtiyevanın həyat yoldaşıdır.

***

15:54

Tovuzda bıçaqlanma hadisəsi baş verib.

APA-nın yerli bürosunun məlumatına görə, hadisə rayonun Qovlar şəhərinin Nizami Süleymanov küçəsində qeydə alınıb.

Belə ki, qadın bıçaq yarası ilə xəstəxanaya yerləşdirilərək əməliyyat olunub.

Hazırda onun kimliyi dəqiqləşdirilir.

Hadisə yerinə hüquq-mühafizə orqanlarının əməkdaşları cəlb olunub.