450
11:13
09 Fevral 2020

35 saylı Xətai III Seçki Dairəsinin 3 məntəqəsində 238 nəfər səs verib


Milli Məclisə seçkilərlə əlaqədar 35 saylı Xətai III Seçki Dairəsinin 8, 9 və 10 saylı seçki məntəqələrində səsvermə prosesi davam edir.

APA-nın məlumatına görə, 8 saylı seçki məntəqəsində səsvermə prosesini 31 yerli müşahidəçi izləyir, məntəqədə 77 nəfər səs verib.

9 saylı seçki məntəqəsində seçkini 26 yerli müşahidəçi izləyir, məntəqədə 94 nəfər səs verib.

10 saylı seçki məntəqəsində 38 müşahidəçi seçki prosesini izləyir, 67 nəfər səs verib.

Müşahidəçilər qanun pozuntusuna rast gəlmədiklərini bildiriblər.

Seçki məntəqələrinin çıxışında “Rəy” Monitorinq Mərkəzi tərəfindən "exit-poll" təşkil olunub.