1296
19:08
16 Yanvar 2020

Rusiyada general rüşvətə görə saxlanıldı

Rusiya Federasiyasının Komi Respublikasının Daxili İşlər naziri general-mayor Viktor Polovnikov rüşvət almaqda şübhəli bilinərək həbs olunub.

APA-nın xəbərinə görə, bu barədə Komi Respublikasının İstintaq Komitəsinin rəsmi saytında məlumat verilib.

"Rusiya Federasiyası İstintaq Komitəsinin Komi Respublikası üzrə istintaq orqanları, xüsusilə böyük miqdarda rüşvət almaqda şübhəli bilinən Komi Respublikasının Daxili İşlər nazirinə qarşı cinayət işi açıb. Şübhəli şəxs saxlanılıb və onun barəsində həbs qətimkan tədbirinin seçilməsi ilə bağlı məsələyə baxılır", - deyə məlumatda qeyd olunub.

Qeyd edək ki, V.Polovnikov 2015-ci ilin may ayından bu vəzifədə çalışıb.