489
19:51
20 Oktyabr 2019

Azərbaycan futbol yığması böyük hesabla uduzdu

17 yaşadək qızlardan ibarət Azərbaycan yığması növbəti oyununu keçirib.
APA -nın məlumatına görə, Zamir Həsənovun baş məşqçisi olduğu milli Avropa çempionatının seçmə mərhələsi çərçivəsində ikinci matçına çıxıb.
Yığma oyunları Farer adalarında keçirilən 5-ci qrupda Norveçin müvafiq yaş qrupundan ibarət komandası ilə qarşılaşıb. Matç skandinaviyalıların 5:0 hesablı qələbəsi ilə başa çatıb.
Bu, Azərbaycan yığmasının ikinci darmadağını olub. Komanda ilk turda Sloveniyadan daha çox – 6 cavabsız qol buraxmışdı.
Qeyd edək ki, oktyabrın 23-də baş tutacaq son turda yığmamız Farer adaları ilə görüşəcək.