Prokurorluq əməkdaşlarının qanunsuz əməlləri barəsində Çağrı Mərkəzinə şikayət etmək mümkün olacaq
"Bu günə qədər də Baş Prokurorluğun qaynar xətti ilə əlaqə mərkəzi mövcud idi. Həmin mərkəz normal fəaliyyət göstərib. Dövlət başçısının tapşırığı var ki, vətəndaş-məmur münasibətləri tam yeni müstəvidə qurulmalıdır. Bundan sonra 961 nömrəli Çağrı Mərkəzi xidmət göstərəcək".
APA-nın məlumatına görə, bu barədə Baş Prokuror Zakir Qaralov deyib. O bildirib ki, vətəndaşlar bu nömrəyə pulsuz zəng edə biləcəklər: "Həmin Çağrı Mərkəzini idarə edən şöbə prokurorları prokurorluq əməkdaşlarının qanunsuz əməlləri barəsində şikayətləri qəbul edəcəklər. Eyni zamanda prokurorluğun fəaliyyət istiqaməti üzrə konkret cinayət işləri, baxılan materiallar və digər şikayətlərin dinlənilməsi həyata keçiriləcək. Bütün proseslər auido yazı ilə təsbit olunacaq. Bütün zənglər Baş prokurora məruzə ediləcək. Baş prokuror hər bir ərizəyə görə qərarların icrası ilə bağlı müvafiq tapşırıqlar verəcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
