479
12:44
27 Sentyabr 2019

Bütün avtobuslar kart sisteminə keçəcək - TARİX AÇIQLANDI

“Bakı şəhərində fəaliyyət göstərən bütün avtobusların kart sisteminə keçid ilə bağlı işlər yekunlaşmaq üzrədir”.
Bu sözləri Lent.az -a açıqlamasında Bakı Nəqliyyat Agentliyinin (BNA) mətbuat katibi Mais Ağayev deyib. O bildirib ki, kart sisteminə keçidi yubadan əsas səbəblərdən biri avtobus parkının yenilənməsi ilə bağlı olub:
“İstəmirdik ki, texniki baxımdan tələblərə cavab verməyən avtobusların kart sisteminə keçidini təmin edək. Artıq bu cür avtobuslar mərhələ-mərhələ dəyişdirilir. Avtobus parkı yeniləndiyi üçün isə mümkündür ki, bütün avtobuslar kart sisteminə keçsin. Bununla bağlı planlaşdırırıq ki, ilin sonunadək bu işlər yekunlaşsın".