Canlı Arxiv Kulis
Axtarış
17:18
25 Sentyabr 2019

Azərbaycanda gənc qadını oğurladılar - TƏFƏRRÜAT

Gəncədə bir neçə gün əvvəl itkin düşməsi ilə bağlı xəbəri yayılan qadının oğurlandığı məlum olub.
Yaxınlarının APA -ya verdiyi məlumata görə, Gəncə şəhəri, Kəpəz rayon sakini, 1990-cı il təvəllüdlü Vüsalə Hüseynova 4 gün əvvəl yoxa çıxıb. Belə ki, sentyabrın 21-də axşam Ramin Hüseynov işdən evə qayıdanda həyat yoldaşının evdə olmadığını, evin pəncərəsinin sındırıldığını və yerdə qan izlərinin olduğunu görüb. O, bu barədə dərhal polisə məlumat verib.
V. Hüseynovanın zorla oğurlandığı ehtimal edilir.
Faktla bağlı Kəpəz rayon Polis İdarəsində cinayət işi başlanıb.
Hazırda V.Hüseynovanın yerinin müəyyən edilərək tapılması istiqamətində axtarışlar davam etdirilir.
***
23 sentyabr, saat 12:27
Gəncədə 29 yaşlı gəlin itkin düşüb.
APA-nın məlumatına görə, şəhər sakini Ramin Hüseynov Kəpəz rayon Polis Bölməsinə müraciət edərək həyat yoldaşı Vüsalə Hüseynovanın yaşadığı evdən çıxıb getdiyini və geri qayıtmadığını bildirib.
Faktla bağlı araşdırma aparılır.

Dİgər xəbərlər