218
02:50
07 Sentyabr 2019

Berlində “Porsche” səkiyə çırpıldı: 4 ölü, 2 yaralı

Ötən gecə Almaniyanın paytaxtı Berlin şəhərinin Mitte rayonunda “Porsche” markalı avtomobil səkiyə çırpılıb.
APA “TASS”a istinadən xəbər verir ki, hadisə nəticəsində bir uşaq da daxil olmaqla dörd nəfər ölüb, iki nəfər yaralanıb.
"Berliner Morgenpost" nəşrinin yazdığına görə, “Porsche”nin sürücüsü də ağır yaralanıb və xəstəxanaya yerləşdirilib.
Hadisənin hansı səbəbdən baş verdiyi hələlik bilinmir. Polis araşdırma aparır.