Xəzərin Azərbaycan sektorunda yerləşən “Şahdəniz” qaz-kondensat yatağından indiyədək 108 mlrd. kubmetrdən artıq qaz hasil edilib.
“Şahdəniz” layihəsinin operatoru olan BP şirkətindən “APA-Economics”ə verilən məlumata görə, yataqdan indiyədək 27 mln. ton kondensat hasil edilib.
Qeyd edək ki, bu ilin birinci yarısında yatağında 8,4 mlrd. kubmetr qaz hasil edilib. Bu, ötən ilin müvafiq dövrü ilə müqayisədə 68% çoxdur. Cari ilin yanvar-iyun aylarında yataqdan 2 mln. ton qaz kondensatı çıxarılıb ki, bu göstərici illik müqayisədə 82% artıb.
Ötən ilin iyul ayının sonunda “Şahdəniz Bravo” platformasından ilk qaz əldə edildiyi vaxtdan hasilat tədricən artmaqda davam edib.
Mövcud “Şahdəniz” qurğularının hasilat gücü hazırda gündə 56 mln. (ildə 20 mlrd.) standart kubmetrdir.
Bu ilin birinci yarısında “Şahdəniz” üzrə fəaliyyətlərə 376 mln. dollar əməliyyat xərcləri və 555 mln. dollardan artıq əsaslı xərclər çəkilib. Əsaslı xərclərin böyük əksəriyyəti “Şahdəniz-2” layihəsinə aid olub.
“Şahdəniz”də iştirak payları belədir: BP (operator – 28,8%), TPAO (19%), AzSD (10%), “SGC Upstream” (6,7%), "Petronas" (15,5%), “Lukoil” (10%), NIKO (10%).
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
