137
17:25
30 İyul 2019

Uşaq və gənclər üçün yay istirahət düşərgəsi təşkil edilir

Gənclər və İdman Nazirliyi iyulun 27-dən avqustun 5-dək Ermənistanla təmas xəttində və cəbhə bölgələrində yerləşən rayonlarda yaşayan uşaq və gənclər üçün Respublika Uşaq İstirahət və Sağlamlıq Mərkəzində yay istirahət düşərgəsi təşkil edir.

Nazirliyin mətbuat xidmətindən Lent.az -a bildirilib ki, düşərgə çərçisəvində iştirakçılar üçün şən və əyləncləli oyunların, üzgüçülük, intellektual oyunların, qrup yarışlarının, stolüsü və kompyuter oyunlarının təşkili, tarixi və mədəni yerlərə ekskursiyaların edilməsi nəzərdə tutulur. Düşərgədə Qazax, Ağstafa, Tovuz, Gədəbəy, Daşkəsən, Göygöl, Goranboy, Füzuli, Ağdam, Tərtər, Xocavənd rayonlarından 100-dən artıq uşaq və gəncin yay istirahəti səmərəli təşkil edilir. İştirakçılar burada asudə vaxtlarını səmərəli təşkil etməklə yanaşı, bir biriləri ilə yaxından tanış olmaq imkanı əldə edirlər.