İlham Əliyev: "Yaxşı irəliləyişə nail olmuşuq"
10 iyul 2019 15:37 (UTC +04:00)

İlham Əliyev: "Yaxşı irəliləyişə nail olmuşuq"

 
 
“Azərbaycanın iqtisadi inkişafı sürətlə gedir. Hazırda biz əsasən iqtisadiyyatımızın şaxələndirilməsi üzərində işləyirik. Çünki, bu, əsas prioritetdir”.
 
APA-nın xəbərinə görə, bunu Azərbaycan Prezidenti İlham Əliyev Fransa Sahibkarlar Təşkilatına – MEDEF-ə üzv olan şirkətlərin nümayəndələri ilə görüşündə bildirib.
 
Dövlət başçısı deyib ki, neft-qaz sektorundan asılılığın azaldılması əsas vəifələrdəndir: “Biz iqtisadiyyatımızın şaxələndirilməsi üçün əlimizdən gələni etməyə çalışırıq. Bu, asan deyil, lakin düşünürəm ki, biz yaxşı irəliləyişə nail olmuşuq”.
 
Prezident qeyd edib ki, bu il qeyri-enerji sektoru 3 faizdən çox artıb və kənd təsərrüfatında bu il rekord həcmdə, təxminən 13 faiz artım olub. Qeyri-enerji sənayesində isə artım təxminən 15 faiz təşkil edir: “Bu, onu göstərir ki, şaxələndirmə yaxşı nəticələr verir". 
1 2 3 4 5 İDMAN XƏBƏRLƏRİ
# 1316

Oxşar yazılar