Qonaq süfrələrinin ən sevilən təamlarından biri olan tort salatı həm görünüşü, həm də dadı ilə hər kəsin diqqətini cəlb edir. Lavaşla hazırlanan bu fərqli resept klassik salatlardan bezənlər üçün ideal seçimdir. Hazırlanması çox vaxt aparmayan bu ləzzətli yemək, sadə ərzaqlarla əsl kulinariya şah əsərinə çevrilir. Yumşaq lavaş qatları, toyuq əti, yumurta və pendirin ahəngdar vəhdəti salata xüsusi dad bəxş edir.
Lent.az tort salatının reseptini təqdim edir:
Lazım olan ərzaqlar: 3 ədəd nazik lavaş
300 qram qaynadılmış toyuq əti
4 ədəd qaynadılmış yumurta
200 qram bərk pendir
250 qram mayonez
2 diş sarımsaq
1 dəstə şüyüd
Duz və qara istiot zövqə görə
Hazırlanma qaydası: Əvvəlcə qaynadılmış toyuq əti xırda doğranılır və ya lif-lif ayrılır. Yumurtalar sürtgəcdən keçirilir. Pendir də iri gözlü sürtgəcdə rəndələnir. Şüyüd xırda doğranır. Sarımsaq əzilərək mayonezlə qarışdırılır. Servis boşqabına birinci lavaş yerləşdirilir və üzərinə sarımsaqlı mayonez çəkilir. Daha sonra toyuq ətinin bir hissəsi yayılır. İkinci lavaş üstünə qoyulur. Yenidən mayonez çəkilir, üzərinə sürtgəcdən keçirilmiş yumurta və bir qədər şüyüd səpilir. Sonuncu lavaş da əlavə edilir. Üzərinə mayonez sürtülür və rəndələnmiş pendir bərabər şəkildə yayılır. Kənar hissələr də mayonezlə örtülərək pendirlə bəzədilir. Hazırlanan salat-tort soyuducuda ən azı 2 saat saxlanılır ki, lavaş yumşalsın və qatlar bir-birinə yaxşı hopsun. Dilimlənərək süfrəyə təqdim edilir. İstəyə görə üzəri şüyüd, zeytun və ya qoz ləpəsi ilə də bəzədilə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
