Rusiyada fəaliyyət göstərən GTA bandit dəstəsinin sonuncu üzvü Xazratxon Dodoxonov 20 il müddətinə azadlıqdan məhrum edilib. Lent.az-ın Rusiya KİV-ə istinadən məlumatına görə, 2012-2014-cü illərdə Moskva vilayətində fəaliyyət göstərən və adını Grand Theft Auto (GTA) kompüter oyunundan götürən banda üzvləri bu illər ərzində 17 qətl, 15 quldurluq, iki sui-qəsd törədiblər. Onlar yüzlərlə avtomobili qarət ediblər.
Məlumata görə, əslən Tacikistanın İsfar şəhərindən olan quldurlar iki il Moskva-Don trasını qorxu içində saxlayıblar.
Nəhayət, 2014-cü ilin noyabrında quldurlar həbs ediliblər. Amma istintaq bitib iş məhkəməyə gedəndən sonra onlar daha bir cinayətə əl atıblar.
2017-ci il avqustun 1-də Mosvka vilayət məhkəməsinin binasının liftində qəfil mühafizəçilərə hücum edən banditlər istəklərinə nal ola bilməyiblər. İnsident zamanı bir polis yaralanıb, amma quldurlardan üçü öldürülüb.
Onu da xatırladaq Ki, GTA bandit dəstəsinin fəaliyyəti ilə ağlı Rusiyanın NTV kanalı “Ölüm şosesi” adlı teleserial çəkib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
