![[b]"Ümid edirəm ki, filmimin çəkilişinə vəsait ayrılacaq” - Oqtay Mirqasımov[/b]](https://lent.az/storage/news/2019/march/14/big/3792ee483bb06edaf89822d9863ed80d.jpg)
“Cənab Prezidentin kinomatoqrafiya sahəsinin inkişafı ilə bağlı 5 milyon vəsait ayırması biz kino adamları üçün böyük sevinc oldu”.
Bu fikirləri ONA-ya açıqlamasında kinorejissor, xalq artisti Oqtay Mirqasımov səsləndirib.
O vurğulayıb ki, bu sərəncamın verilməsinə nəinki kino adamları, bütün xalq sevinib: “Mənim özümə nə qədər adam zəng edib, sevinclərini bölüşüblər. Təbii ki, xalqımız da yeni filmlərin çəkilməsini gözləyir. Bu sevinci heç nə ilə müqayisə etmək olmaz”.
Oqtay Mirqasımov daha sonra əlavə edib ki, kinomatoqrafiya istehsalat sahəsi olduğu üçün həmişə böyük maliyyə vəsaitlərinə ehtiyac var: “Dörd-beş il idi ki, büdcədən kinoya vəsait ayrılmırdı. Bu o deməkdir ki, biz yaradıcı kinomatoqraflar çoxdan bəri hazır olan layihələrimizi həyata keçirə biləcəyik”.
Sonuncu filmini 2013-cü ildə çəkdiyini deyən kinorejissor yeni ekran işi üçün vəsait ayrılacağına ümid etdiyini bildirib: “Mənim 7 layihəm Mədəniyyət Nazirlyinə təqdim edilib. Bir filmim artıq bədii şura tərəfindən qəbul olunub. Həmin filmdə Qarabağ məsələsinə də toxunulub. Ümid edirəm ki, mənim filmimin də çəkilişi üçün vəsait ayrılacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
