Günəş eynəklərinizi avtomobildə qoymayın – Yanğın olar

Yay günlərində parlaq günəş sürücülər üçün narahatlıq yaradır. Bu zaman sürücülərin yardımına eynəklər çatır.

Lent.az xəbər verir ki, söhbət tünd rəngli eynəklərdən gedir. Onlar gözləri ultrabənövşəyi radiasiyadan qoruyurlar.

Nəticədə avtomobil idarə etmək xeyli asanlaşır və qəzaya düşmə riski minimuma endirilir.

Təəssüf ki, bir çox sürücü səyahəti başa vurduqdan sonra ciddi səhvə yol verir. Onlar gün eynəklərini avtomobildə qoyurlar.

Aksessuar birbaşa “iş panelində” və ya oturacaqda qalır. Ancaq bu düzgün vərdiş deyil.

Bildirilir ki, yüksək temperaturun təsiri altında aksesuar qızır. Belə bir proses məhsulun deformasiyasına səbəb olur.

Əgər dioptri ilə eynəklərdən danışırıqsa, o zaman linzalar günəş şüalarını hansısa obyektə yönəldə bilər. Nəticədə avtomobildə yanğın belə baş verə bilər.

Problemlərin qarşısını almaq üçün günəş eynəyinizi həmişə özünüzlə aparın. Əgər siz hələ də aksessuarı avtomobildə qoymaq istəyirsinizsə, o zaman cihazı əlcək bölməsinə və ya hər hansı bir qutuya qoyun.