Dünya Google-da ən çox nələri və kimləri axtarıb?

Dünyanın axtarış sistemlərinə liderlik edən Google hər ilin sonunda ən çox axtarılan sözləri və şəxslərin adlarını açıqlayır.

Lent.az 2020-ci ildə Googl-da ən çox axtarılanları təqdim edir.

Təbii ki, bu il ən çox axtarılan ilk söz “koronavirus” olub. İstifadəçilər virusun simptomları, virus haqqında ətraflı məlumat əldə etməyə çalışıblar.

Koronavirus səbəbi ilə dünyada geniş yayılmış proqramlardan biri olan Zoom Google-da ən çox axtarılanlar sırasındadır.

Hindistan, Yeni Zellandiya, İran Google istifadəçilərinin ən çox maraqlandıqları ölkələrdi.

Vertolyot qəzasında həlak olan məşhur basketbolçu Kobe Bryantın adı ən çox axtarışa verilən idmançı olub.

“Parasite”, “1917”, “Black Panther”, “ 365 Dni”, “Yoluxma”, “Tenet” filmləri bu il ən çox axtarılan və izlənilənlər hesab olunur.

ABŞ prezidenti olmaq üçün Donald Trampla yarışan və qalib gələn Co Bayden, Şimali Koreyanın lideri Kim Çen In, Britaniyanın Baş naziri Boris Conson çox axtarılan siyasətçilər arasındadılar.

Nigar Adil