Yaddaşınızı gücləndirməyin 5 ən asan yolu

Məlumatı xatırlamaqda, diqqəti cəmləməkdə və ya yaradıcı olmaqda çətinlik çəkirsinizsə, problemi tez həll etməyin altı asan yolu var.

Lent.az yaddaşı gücləndirməyin 5 sadə üsulunu təqdim edir:

Ən azı 8 saat yatın

Yuxu həm yaddaş, həm də bütövlükdə insan orqanizminin fəaliyyəti üçün vacibdir. Yuxuda vücudumuz bərpa olunur və dincəlir, beyin gün ərzində əldə etdiyi məlumatları süzərək rəflərə qoyur. İnsan kifayət qədər yuxu almırsa, beynin hər şeyi emal etməyə və saxlamağa vaxtı olmur - o zaman unutqanlıq və diqqətsizlik yaranır.

Fiziki fəaliyyət

Daha çox hərəkət edin. Bu, yaddaşı yaxşılaşdırmağa kömək edir və beyinə qan axınını aktivləşdirir. Fiziki fəaliyyət sadəcə idman etmək deyil, parkda gəzinti, alış-veriş və ya sadəcə evi təmizləmək də ola bilər. Əsas odur ki, fəaliyyət müntəzəm olsun.

Qidalanmanıza diqqət edin

Daha çox tərkibində antioksidant birləşmələri olan yemək yeyin - qoz-fındıq, giləmeyvə, bütün taxıl dənli bitkiləri. Antioksidantlar beyin hüceyrələrini yeniləyəcək, beləliklə yaddaşınız və diqqətiniz tam gücü ilə işləyəcək.

Oxuyun

Biz oxuduqca beyin fəaliyyəti artır, qan dövranı sürətlənir və buna görə də yaddaş da buna uyğunlaşır. Oxumaq beynin neyronlarını və sinapslarını saxlamağa kömək edir - onlar nə qədər yaxşı işləsələr, yaddaşınız və diqqətiniz bir o qədər yaxşı olar.

Orqanizmdə D vitamininin lazımi səviyyədə saxlanılması

Əgər orqanizmdə kifayət qədər D vitamini yoxdursa, insan özünü zəif hiss edir və diqqəti yayınır. Yaddaşınızı tamamilə itirməmək üçün hər zaman D vitamininin normal olmasını təmin etməlisiniz.