TRT-dən dəvət

TRT azərbaycanlı sənədli film rejissorlarını “TRT Sənədli Film Mükafatı 2013”-ə dəvət edir. Lent.az-ın məlumatına görə, dünyanın dörd bir yanından televiziyalarda çalışan sənədli film rejissorları qeyd olunan mükafat üçün bir araya gələcəklər.

TRT-nin həvəskar və professional sənədli film rejissorlarını dəstəkləyərək , müxtəlif ölkələrdən fərqli və yüksək keyfiyyətli sənədli filmlərin tamaşaçıya təqdim etmək və dünyanın hər bir tərəfindən sənədli film rejissorları ilə görüşüb fikir mübadiləsi aparacaq bir layihə hazırlamaq məqsədilə təşkil etdiyi TRT Sənədli Film Mükafatı üçün müraciətlər ötən ilin noyabrının 1-dən başlanıb.

TRT-nin Bakı nümayəndəsi Yüksel Değercan Azərbaycanda da xeyli sayda sənədli film prodüserlərinin olduğunu nəzərə alaraq, Azərbaycan sənədli film prodüserlərini TRT Sənədli film Mükafatı almağa dəvət edir.

Milli və Beynəlxalq olmaqla iki kateqoriyada reallaşdırılan TRT Sənədli Film Mükafatlarında ilk yarım finalı keçən filmlər, İstanbulda təşkil ediləcək TRT sənədli film günlərində 09-13 May 2013 möhtəşəm final gecəsində rejissorlarının iştirakı ilə, tamaşaçı auditoriyasına təqdim ediləcək.

Qeyd edək ki, müraciət üçün son tarix yanvarın 25-dir. Müraciətlər TRT-nin internet saytı (www.trt.net.tr) vasitəsi il də qəbul olunur .