“Parkovşik”lərin himayədarları var” – BNA sədri

“Park yerlərində vətəndaşın daşınan əmlakına ziyan vurulsa da, qarşılanmır. Bakı şəhərində tariflər tətbiq olmadan vəsaitlərin yığılmasından söz gedə bilməz. Hər hansı parkda duran şəxsə BNA vəsiqə verməyib. Mənə də yaxınlaşıblar, məsələ araşdırılıb və sonu polisdə bitib”,

Lent.az xəbər verir ki, bu fikirləri Bakı Nəqliyyat Agentliyinin (BNA) İdarə Heyətinin sədri Vüsal Kərimli bildirib.

Vüsal Kərimli bildirib ki, “parkovşik" adlanan şəxslərin bizə yaxından-uzaqdan aidiyyatı yoxdur:

“Bu gün Bakı şəhərində kim 1 manatı elə belə yığa bilər? Onların arxasında müəyyən himayədarları var, Parklanma məsələsi qaldırılanda fərqli kanallardan və istiqamətlərdən qara piar aparılır. Məqsədimiz Bakı şəhərində yeraltı və yerüstü qarajlara investiyaların cəlb edilməsi idi. Gəliri və tarifi hesablanmadan investisiyanı cəlb edə bilmirik”.

BNA rəsmisi qeyd edib ki, parklanma ilə bağlı ilkin pilot layihə 6-cı paralel küçəsində tətbiq ediləcək:
”Orada fərqli parklanma siyasəti tətbiq edəcəyik. Bundan sonra bu, Bakı şəhərinin mərkəzini və ətraf ərazilərini əhatə edəcək, "parkovşik" məsələsi qalmayacaq. Bu, bizim dövrdə yaranmayıb, əvvəlki dövrlərdən bizə miras qalıb".