“ABU-nun qanuni yolla təhsil alan bütün tələbələri digər özəl məktəblərə köçürüləcək”

“Beynəlxalq Universitetlə bağlı qərar artıq bəllidir. Bu qərarın verilməsü səbəbləri də artıq açıqlanıb. Tələbələrlə bağlı da heç kim narahat olmasın. Sentayabın 15-dək qanuni yolla təhsil alan bütün tələbələr müvafiq özəl məktəblərə köçürülürləcəklər”.

APA-nın məlumatına görə, bu açıqlamanı jurnalistlərə təhsil naziri Misir Mərdanov verib. Onun sözlərinə görə, qanunsuz təhsil alan tələbələrin taleyinə isə Təhsil Nazirliyi cavabdeh deyil. M. Mərdanov ABU-nun müəllimlərinin işlə təminatında da problem yaranacağını gözləmir: “Çünki oranın müəllimləırinin hamısı kənardan dəvət olunmuşlar idi”.

Nazir deyib ki, bu il yeni milli kurrikulumla əlaqədar III siniflər üçün bütün dərsliklər yeni qaydalar əsasında hazırlanıb. Nazir həmçinin qeyd edib ki, müəllimlərin əmək haqlarının artırılmasına həmişə ehtiyac var: “Ölkənin büdcəsi imkan verdikcə müəllimlərin də əmək haqları artırılacaq. Bu məsələ daim hökumətin diqqət mərkəzindədir”.