Arterial təzyiq hansı hallarda ölümcül təhlükə yaradır?

Arterial təzyiq insan sağlamlığının əsas göstəricilərindən biridir. Onu daim nəzarətdə saxlamaq çox vacibdir. Adətən insanlar yalnız ürək-damar sistemi ilə bağlı problemlər olduqda bu göstəriciyə fikir verirlər. Artan təzyiq böyrəklərin və beynin fəaliyyətinə zərər verir, həmçinin infarkt, insult və digər ciddi fəsadların riskini əhəmiyyətli dərəcədə artırır. Qeyd edək ki, infarkt dünyada ən çox rast gəlinən ölüm səbəblərindən biridir.

Lent.az bu barədə sizə məlumat verir:

Təzyiqin normal göstəriciləri yaşa görə dəyişir:
Yeniyetmələr və 20 yaşa qədər gənclər üçün:
Sistolik (yuxarı) – 100–120 mm civə sütunu
Diastolik (aşağı) – 70–80 mm civə sütunu

Orta yaşlı insanlar üçün:
Optimal göstərici – 120–130 / 70–80 mm civə sütunu

60 yaşdan yuxarı yaşlılar üçün:
Normal sayılan təzyiq – 150/90 mm civə sütununa qədər

Təhlükəli və ölümcül təzyiq dəyərləri:
Kritik dəyər:
Yuxarı təzyiqin 300 mm civə sütununa çatması çox nadir hallarda baş verir, lakin belə hallar adətən ölümlə nəticələnir, çünki ürək bu yükə tab gətirə bilmir.

Hipertonik kriz zamanı:
Təzyiq 260/140 mm-ə qədər yüksələ bilər.

Çox aşağı təzyiq də təhlükəlidir:
Məsələn, 70/40 mm – bu vəziyyət də həyati risk daşıyır.

“Səssiz qatil” – Hipertoniya
Hipertoniya tez-tez əlamətsiz keçir və məhz buna görə “səssiz qatil” adlandırılır.

Aşağı təzyiqin fəsadları:
Yalnız yüksək deyil, həm də həddindən artıq aşağı təzyiq təhlükəlidir. Aşağı təzyiq (hipotoniya) zamanı beyin oksigen çatışmazlığı yaşayır və bu, işemik insult ilə nəticələnə bilər.

Maraqlı fakt:
Dünyada qeydə alınmış ən yüksək arterial təzyiq göstəricisi – 310/220 mm civə sütunu olmuşdur. Əlavə olaraq, həkimlər axşam yeməyindən sonra hansı içkiləri içməyin təhlükəli olduğunu da açıqlayıblar. Buzlu və ya çox soyuq içkilər xüsusilə zərərlidir.