Putinin pəhrizi nədir və gündəlik vacib işlərdən əvvəl nə edir?

Bir çox dünya ölkələrinin liderləri səhər tezdən işlərinə başlayırlar, lakin Kreml rəhbərin yann aşması fərqlidir.

Rusiya prezidenti Vladimir Putinin qeyri-adi gündəlik rejimi var və səhər yeməyində sağlam qidalar yeməyə üstünlük verir.

Lent.az bildirir ki, bu barədə “The Mirror” məlumat verir.

Jurnalist Ben Cuda iddia edir ki, bir çox dünya liderləri səhər saatlarında hökumət işləri ilə məşğul olmağa başlayır, lakin Putin günortaya qədər yerindən qalxmamağa üstünlük verir. Yuxudan duranda ona omlet və ya kəsmikli sıyıq verilir.

Onun sevimli səhər yeməyi təzə sıxılmış şirə və ya qəhvə ilə birləşdirilən bildirçin yumurtasıdır. Rusiya prezidentinin səhər yeməkləri zəhərlənmə ehtimalı nəzərə alınaraq dequstator tərəfindən yoxlanılmalıdır.

Jurnalistin məlumatına görə, Kreml rəhbəri balanslaşdırılmış pəhriz saxlamağa çalışır. Onun pəhrizinə pomidor, xiyar, kahı, balıq və quzu əti daxildir.

Rusiya prezidenti tərkibində şəkər olan qidalardan istifadə etmir və onun süfrəsinə yalnız Patriarx Kirillə məxsus torpaqda yetişdirilən məhsullar qoyulur.

Köməkçilərin dediyinə görə, Putin 2 saatlıq üzgüçülük məşqinin böyük pərəstişkarıdır və bu, ona qarşıdakı çətinliklərə hazırlaşmağa kömək edir. Bəzən idman zalında da məşq edir.

Jurnalist iddia edir ki, Putin idmanla məşğul olarkən, arxa planda Kremlin təbliğatı tez-tez eşidilməlidir. O, yalnız bir neçə saatdan sonra dövlət işlərini həyata keçirməyə başlayır. Onun köməkçiləri Putin kiberhücumlardan qorxduğu üçün iş sənədlərini kompüter olmayan bir masaya gətirirlər.